رواية "أنت لي" بقلم ډفنا عمر الفصل الأول للخامس

ماما اوعي تهملي علاجك تاني انا كنت هتجنن عليكي! 
ثم احتصنت والدتها بشدة قائلة 
انتي اغلى انسانة عندي في العالم ومش عايزة اشوفك تعبانه تاني انا بخاف عليكي اوي يا ماما ..
ربتت على ظهرها برفق يا حبيبة ماما كل الناس بتتعب مټخافيش يا أروى ربنا يمد في عمري لحد ما اطمن عليكي أنتي واختك ..
_ وأخيرا خلصنا أخر وش نقاشة للمحل .. وبقى جاهز نرص فيه البضاعة! 
بلال الحمد لله يامعتصم ....أحنا وفرنا تمن النقاشة وعملنا بأدينا أحلى شغل ولا اجدع نقاش فيكي يا بلد! 
معتصم بس حيلنا اتهد ياعم احنا مطبقين 3ليالي عشان نخلي المحل ده ينفع لبضاعتنا..
بلال وهو يجلس على أحد المقاعد 
مش مهم نتعب دلوقت عشان نرتاح بعدين مافيش حاجة بتيجي بالساهل ياصاحبي!
معتصم وهو يجلس بتهالك 
بس يارب يجي بفايدة احنا حطينا كل قرش معانا وعملنا جمعيات لسة ماخلصتش ده غير إيجار المحل ده نفسه.. 
بلال وبعدين يامعتصم أنت هتشيل هم من دلوقتي .. كله هيبقي تمام احنا قاصدين الحلال وهنتعب وربنا اكيد هيجازينا خير ويفتح أبواب رزقه لينا بس انت قول يارب! 
معتصم يارب.. 
.............................
نورتي الدنيا يا حاجة شمس انتي وبهاء
الحاجة شمس  
ده نورك يا حبيبتي طمنيني ازيك دلوقتي.. 
الحاجة عائشة 
الحمد لله بخير ازمة وعدت نحمده على كل حال ..
بهاء الف سلامة عليكي يا مرات خالي.. 
قالت بود تسلم وتعيش يا ابني والله فرحتي بيك وبزيارتك كبيرة انهاردة! 
أم بهاء بسعادة من مبادرة أبنها الطيبة 
اه والله يا عائشة ده هو اللي قالي لازم نزور مرات خالي ونطمن عليها! 
أجابتها بمزاح 
يعني لولا بهاء قال أجي يا شمس ماكنتش شوفتك! 
اخص عليكي بهاء فيه الخير عنك ..
هتفت ضاحكة انتي مصدقتي تركبيني الغلط!! 
طبعا كنت هاجي.. وأنا اقدر أتاخر عنك! 
وبتلك اللحظة دخلت أروى حاملة صينية فضية لامعة مرصوص فوقها عدة كاسات مزخرفة بنقوش ذهبية مملوءة بعصير مانجو طبيعي ..
ام. بهاء حبيبة قلب عمتها جت 
أروي بابتسامة ترحيب صادقة 
حبيبتي ياعمتو نورتينا انهاردة ووحشتيني جدا
ثم مالت بجسدها لتعانقها واثناء ذلك وقع بصرها على بهاء وهو يطالعها باهتمام من خلف ظهر عمتها فعبست بوجهها متعمدة!
الحاجة شمس مش هتسلمي على ابن عمتك..
ولأنها کرهت مصافحته أسرعت بالتقاط احدى كاسات العصير قائلة أهلا بيك يا ابن عمتي..
فطن بهاء لفعلتها وانتابه الضيق لما كل هذا النفور منه ألم تنسى بعد عداوتهم منذ أن كانوا صغار!
هي الآن تجذبه بشدة ويشعر بتأجج رغبته فيها منذ رآها ولكن كيف يقترب وهي تنفره بهذا الشكل! 
فعزم على إيجاد وسيلة للحديث معها بمفردهم وباي طريقه لابد أن يحدثها ويوضح لها انجذابه لها فربما تكون أروى سببا لتغيره مستقبلا ولما لا هو يعلم أن. سلوكه سيئ خاصا مع والدته ومؤكد هي تعلم ولهذا تنفره ولكن يجب أن ياخذ فرصة هو ليس بهذا السوء.. هكذا يظن بنفسه..!
............................
_ اتفضلي ياستي كتبتلك الدروس اللي اخدناها اليومين اللي فاتوكي .. بس ماتاخديش على كده!
اروى شكرا يا ست رغد لتعبك ربنا يسهل واركز عشان اعوض كل اللي فاتني اما غبت و ماما تعبانه!
رغد ماتقلقيش أنتي اي حاجة تقف معاكي أسالي الأساتذة.. صحيح هتروحي معايا درس الرياضة بعد المدرسة 
اروي أه طبعا عرفت ماما ماهي الحمد لله اتحسنت واختي بيسان كمان هترجع البيت بدري.. 
.........................
وفين مكان درس الرياضة ده يا مرات خالي..
الحاجة عائشة هو قريب من مدرستها يابني.. هي مش هتتاخر تعالى حتى تونسني ونشرب شاي على ماتيجي هي وبيسان ونتعشا كلنا سوا..
بهاء محاولا إيجاد سبب مقنع لمعرفه مكان أروى والذهاب إليها والحديث معها كما يخطط
انا بقول الأحسن اروح لأروى واجي معاها على الأقل هيكون الليل دخل والأضمن اوصلها من هناك!
قالت باقتناع والله يا بني فكرة عندك حق أنا ببقى خاېفه عليها اما بتيجي بالليل من الدروس.. 
هقولك بالظبط عنوان المدرس وتجيبها وتيجي!
........................ ..
يا الله كم أشتاق لحبيبتي أروى!
انشغلت عنها لأسبوع كامل في توضيب محلي الصغير أنا ومعتصم محل متواضع .. لبيع الهدايا ومستلزمات البيت والأغراض المنزليه التي لا تستغنى عنها سيدات البيوت ..وكان لابد لي من المتابعة مع صديقي كل شيء من تشطيبات نهائية و الاتفاق على البضائع وجلبها وترتيبها كما يجيب!
وما أن حانت الفرصة حتى أتيت لرؤيتها! 
فلا تتعجبون! أنا أعلم عنها كل شيء أماكن الدروس التي تتلقاها وعنوان كل مكان تذهب إليه! 
حتى أصبحت لا أجهل شيء يخصها!
وكل يوم أتعلق بها أكثر هي غايتي الوحيدة هي أمنية طفل قصير القامة كبر واستطال عوده.. حتى صار شاب طويل بجسد ممشوق!
فلن أخفي عليكم عقدتي القديمة ..قصر قامتي!
حين كنت صغيرا وأنا أتخيل أني عندما أكبر وألتقيها أكون أمامها بهذا الجسد الهزيل كلما حفزني هذا على تغير نفسي .. فداومت بشكل مكثف بصالات الجيم المتاحة ومارست التمارين العضليه المختلفة التي ساهمت بتكوين شكل جسدي وتقسيمه .. وخدمني في هذا صغر سني عندما بدأت بتلك التمارين وأن جسدي مازال بمرحلة البناء ويمكن تقويته وتغيره وهذا