نوفيلا حارة رمضان الجزء الأول
المحتويات
وهي تبصر ما جلبه لها بوجي وطمطم!
ابتسم وهو يراقب فرحتها حبايبك.
ضحكت برقة أه والله بعشق بوجي وطمطم فيهم ريحة رمضان.
ثم نظرت له بتقدير جم والله كلفت نفسك أوي يا أستاذ هارون طب اخواتي ماشي انما أنا.
_ أنتي أجدع بنت في جارة رمضان كلها.. ودي حاجة. بسيطة يعني مش مقامك يا أمنية.
صمتت برهة قبل أن تواصل تعرف يا أستاذ هارون أنت الوحيد في الحارة اللي ممكن اقبل منه هدية زي دي عارف ليه
_ لأنك راجل حر ونضيف وعمر نيتك ما كانت عاطلة.
ثم انقلب وجهها بامتعاص مش زي الجعر ممدوح.
عبس وجهه هو اتعرضلك تاني انا شوفته ماشي من ناحيتك
_ يقدر والله ما له عندي غير الشبشب لا مؤاخذة.
برقت عينه بإعجاب أخفاه سريعا
حتي شبشبك خسارة فيه يا أمنية أي وقت يتجاوز حدوده عرفيني بس وانا كفيل به..
رمقها بنظرة غامضة قبل أن يتسائل هو أنا ممكن اسألك سؤال
_ طبعا اتفضل.
_ مش بتحسي بالنقمة علي عيشتك إنك يعني متعلمة ومع كده شغالة على عربية كبدة
تنهدت وهمست بقلة حيلة أكل العيش مر وده قدري ولازم ارضى به أخواتي الصغيرين في رقبتي وابويا زي ما انت شايف مافيش وظيفة مرتبها هيكفي عيشتنا انما عربية الكبده مكسبها ساترنا..الناس من سنين بتتعامل مع ابويا وانا جيت كملت على حسه برضو.. وأهي ماشية.
_ والله ابدا.. روح انت بالسلامة دول خطوتين يعني.
_ماشي سلمي على عم كامل.
_ يوصل يا استاذ هارون..والسلام أمانة لعم شوكت ولابنك طارق العسل ده.
_ يوصل يا ست البنات.
_________
بين شرفتان متجاورتان تبادل النسوة حديثهم المعتاد و أم فوزي تقول بفخر موزعة بصرها على الأرجاء شوفتي الحارة بقيت عاملة العيال خلوها عروسة.
_ومين غيره سالم ابن عم متولي بتاع الفول.. صلاة النبي عليه ايده تتلف في حرير.
_أسم النبي حارسه وصاينه جدع يشرح القلب.
أم. فوزي وعارفة مين عمل فوانيس الخيامية دي ومدفع الفطار اللي أول الحارة
_ بنتي سميرة مع صباح بنت متولي بتاع الفول ومي وداليا بنات الكنفاني.
ضحكت بلمحة تفاخر والله حارتنا دي مليانة مواهب مدفونة.
_ مدفونة ليه ماهي بتطلع اهي.. ده الناس كلها بتحكي وتتحاكي علي حارة رمضان وجمال زينتها ونضافتها..دول ياختي صورها ونزلوها علي البتاع ده اللي اسمه الفيس.
_ وهي الحارة بس البت سميرة صورت الشقة بعد ما فرشتها ونشرتها..ومقصوفة الرقبة طلعتني في الفيديو وابوها نكد عليها امبارح.
أم جلال يوة.. ليه بقي ينكد عليها
_ عشان طلعتني فيه.. ثم احمرت وجنتاها ما انتي عارفاه لسه بيغير بعد العمر ده.
قهقهت الجارة له حق بصراحة يا ام فوزي انتي لسه زي ما انتي حمار وحلاوة.
_ أسكتي يا وليه ماراحت علينا وقربا نبقي جدود.
_ اه والله. الأيام جريت..يلا كل عام وانتي بخير حبيبتي وأوعي تنسي عازماكي أول جمعة عندي.
_ مش هنسى وربنا يجعل بيتك وبيوتنا عامرة..
_ اللهم امين ألا صحيح يا ام فوزي أخبار صاحبتك ام سيف ايه
انقلب وجهها للحزن وهي تتصعب بأسى
مسكينة يا ام جلال بقيت وحيدة ومحدش شايل همها.
_ تصوري بعتلها شنطة رمضان رجعتها
أم فوزي ما انتي عارفة نفسها عزيزة بس الحمد لله ربنا فتحلها باب رزق مع هارون.. عملت شغل حلو اوي وهو اشتراه منها ألهي يجبر خاطرك يا هارون.
_ أمين.. والله طمنتيني نفسي اساعدها ومش عارفة ازاي..مش بتقبل حاجة.
_ ربك مش بينسي عباده وأنا مش سايباها اطمني.
_ ربنا يسترها ويسترنا معاها يا ام فوزي.
_ يارب.
_____________
أغيب وذو اللطائف لا يغيب وأرجوه رجاء لا يخيب وانزل حاجتي في كل حال إلى كل من تطمئن به القلوب فكم لله من تدبير أمر طوته عن المشاهدة الغيوب ومن كرم ومن لطف خفي ومن فرج تزول به الكروب ومالي غير باب الله باب لا إله ولا مولى سواه ولا حبيب لا إله ولا مولى سواه ولا حبيب كريم
متابعة القراءة
