زوجتي ضابط شرطة بقلم أية ناصر

الدكتور .
قمر پصدمه ماټ إزاي الكلام ده يا فندم مش معقول !
زياد أكيد في حاجه غلط أو أو ممكن يكون في شبها جنائية في الموضوع ده .
اللواء سعيد لأسف يا زياد إحنا دورنا خلص من ساعة ما أتعرض على النيابة .
قمر بضحكه ساخرة أكيد ناجى ما هو مش هيسيب وراه دليل.
اللواء سعيد متقلقيش يا قمر نهايته قربت .
في فيلا ناجى البلتاجي كان يجلس في غرفة مكتبه وعلى وجهه علامات الڠضب حين دلفت إليه تلك الشابة ذات الملامح الماكرة نظراتها مثل الأفعى السامة كانت ترتدي ملابس لا تخفى شيء من جسدها فكانت دائما ترتدي الملابس التي تظهر جسدها وتبرز معالمه . كانت ترتدي فستان اسود يصل إلى فوق الركبة بكثير و ذو فتحت صدر كبيرة إنها سهام تلك الشابة التي تزوجها ناجي مؤخرا فهو يعشق الجمال ويحب امتلاكه على الرغم من أن ناجي في العقد السادس لكن حين تقدم لسهام التي كانت تعمل عنده سكرتيرة وافقت على الفور رغم صغر سنها فهي في العقد الثالث من عمرها ولكن أهم شيء بنسبه لها هو المال الذي وجدته مع ناجي وبوفرة
سهام بدلال مالك يا بيبي في إيه شكلك مش عجبني.
ناجي بجمود مفيش يا سهام .
سهام بتخبي على سوسو حبيبتك يا ناجي 
ناجي پحده قولت مفيش حاجه يا سهام
سهام خلاص يا ناجي مش عايزة أعرف بس كان ممكن تلقي حل مشكلتك عندي .
ناجي باستسلام أنا عارف مش هتسكتي اللي لما تعرفي يا ستي الشرطة مفتحين عينهم علي الشغل إياه فؤاد إتمسك في آخر عملية .
سهام مممم طيب يا ناجي ماتغير طريقتك في الشغل يمكن تكون إتكشفت ليهم.
ناجي المشكلة مش في كده المشكلة إن عندي إحساس إن في حد بيدور ورايا .
سهام أزاي يعنى مش فاهمه 
ناجي مش مهم تفهمي سيبك من مواضيع الشغل دي أنا هاعرف أحلها المهم عملتي إيه مع ندي 
سهام مش عارفة يا ناجي بنتك دي وش فقر مش راضيا تيجي تقعد معانا عايزة تخليها عن خالتها .
ناجي بتنهيدة أنا مش عارف هي بتعمل كده ليه ولحد إمتي هتفضل كده دي هي وأخوها اللي طلعت بيهم من الدنيا بس أمها هي السبب ملت دماغها من ناحيتي .
سهام هو هشام ابنك ما يعرفش ندى أخته !
ناجي لا عمرهم ما شافوا بعض أم هشام ماكنتش بتخليه يشوفها عشان بتقول عليها بنت خدامه.
سهام الصراحة فرق السماء والأرض بين ندى وهشام .
ناجي هشام هو اللي شكلي في كل حاجه ربنا يحميه .
سهام و أنا هحاول تانى مع بنتك يمكن يجيب نتيجة .
في الإدارة العامة لمكافحة التهريب وخاصة في مكتب آسر وفريقه كان يجلس فارس ويحيى وقد ظهر عليهم معالم التعب
فارس أنا خلاص فصلت .
يحيى و مين سمعك بس هنعمل إيه مع آسر ده الوالد فص ملح وداب.
فارس الله يحرقه مطرح ماهو قاعد .
يحيى طيب هنعمل إيه مع آسر يا فارس 
فارس لا سيب آسر عليا وإدعيلى .
عادت قمر إلى منزلها من عملها باكرا فوجدت عمها يعمل في حديقة المنزل و يعتني بأحواض الزهور التي قامت بزراعتها منذ زمن ولكنها أهملتها لإ نشغالها بالعمل لمح محمد قمر وهي تنظر له فقال و هو يشير لحوض الورد
قربوا يموتوا قولت اهتم بيهم عشان أنتي مش فاضية.
قمر بشرود بجد كنت نسياهم خالص .
محمد مش ملاحظة انك بقيتي بتنسي حاجات كتير أوى واللي هي في الأصل كانت من اهتماماتك .
قمر أنا عارفه إن أنا مقصرة اليومين دول في حاجات كتير بس صدقني الشغل كتير أوى و مضغوطة.
محمد على فكرة أول مره أحس إنك فشلتي في حاجه يا قمر و نقضتي وعدك ليا.
قمر يا عموا أنا والله بحاول أكون ناجحة في الشغل وفعلا بقيت من أنجح الضباط.
محمد أيوه بقيتي من أنجح الضباط فعلا بس فشلتي في حياتك الشخصية وده مكنش اتفاقنا إحنا اتفقنا انك متخليش شغلك حتى لو كان صعب يأثر على حياتك بس دلوقتي شغلك بقى كل حياتك و أنا تعبت ومش عارف أعملك إيه!
قمر كل ده عشان الورد !!
محمد دي ابسط حاجه أنتي أهملتى فيها بس يا قمر أنا مش هسكت بعد كده ومش هسيبك تضيعي نفسك .
قمر يا عمي أنا مش فاهمة حاجه ومعلش عاوزه اطلع أغير هدومي ارتاح.
محمد ماشي يا قمر أتفضلي بس كلامنا لسه ما خلصش.
.
دلف آسر إلي مكتبه في مبنى الإدارة فوجد فارس ويحيى اللذان كانا يعملان طوال ساعات الليل قد تعبوا بشده فأستلقى فارس على الأريكة الموجودة داخل المكتب وذهب في رحلة نوم عميقة بينما اسند يحيى رأسه على مكتبه وغفل من شده تعبه نظر آسر لهم بإشفاق ثم قال بنبره صوت عاليه وبحدة
الله . الله إحنا جايين ننام هنا ولا إيه 
انتفض يحيى على الفور وقام من مكانه ونظر إلى آسر بنظرات متوترة بينما ظل فارس نائم في مكانه وكأنه في عالم آخر نظر آسر إلى يحيى ثم اتجه
إلى فارس وتقرب من أذنه وقال
آسر فاااااااااارس أنت يا بني أنت مت ولا إيه !!
فارس خخ خخ سيبيني يا ماما أنام الله يخلكي 
آسر ماما !! طيب قوم يا حبيب ماما يلا
فارس لا يا ماما سيبيني أنام منه لله البعيد مسهرنا لحد الصبح نشتغل .
آسر فارس قوم يا عم .
انتفض فارس من مكانه فوقع علي الأرض من أثر المفاجأة ففرك في عينه ونظر فتفاجئ بآسر يقف أمامه فابتلع ريقه وقال 
آسر أنت
جيت إمتي 
آسر من ساعة ونص بس .
فارس ساعة ونص طيب ينفع حد يصحي حد بطريقه بتاعتك دي مش عيب تخش عليا وأنا نايم .
آسر وهو يرفع حاجه وكمان ليك عين تهزر ثم نظر إلى يحيى بقي انتم نايمين وسايبين الشغل يولع .
يحيى والله ابدا يا آسر باشا إحنا كنا بنشتغل طول الليل حتي مروحناش البيت لحد الوقت ولا ارتحنا حتى .
آسر خلاص يا اخويا أنت وهو متتعبوش نفسكم الولد إتقبض عليه .
فارس و يحيى سويا إتقبض عليه !
آسر لسه جاي إشارة حالا للواء عبد الحميد كرد على إشارة البحث اللي انتم بعتوها وهو إتصل بيه وقالي .
فارس طيب إزاي يعني وإمتى 
يحيى طيب إزاي دي ملهوش أي أثر بقاله يومين !!
آسر قبضوا عليه في أسيوط وهو بيستلم شحنة سلاح كبيرة.
يحيى يعنى كان في عمليه فعلا 
آسر آه كانت عمليه كبيرة وإتمسك هو وواحد من المهربين الكبار أوى الشحنة كلها إتحرزت هما دول فعلا الناس اللي شايفين شغلهم صح يا رب يكتر من أمثلهم .
فارس ماتعرفش اسم الضابط اللي عمل العملية دي
آسر لا ما أعرفش ماحبيتش أطول علي سيادة اللواء المهم أنا عايزكم تفتحوا عينيكم الأيام الجاية أكتر من كده تم أشار إلى يحيى وخصوصا أنت و أتفضلوا يلا روحوا ارتاحوا إنهاردة وبكره تكونوا هنا من النجمة عشان أنا هاجي شويا الصبح وهروح على طول عشان عمي جاي من البلد .
فارس ربنا يخليك ربنا يعمر بيتك ربنا يطول عمرك.
آسر قوم يا عم من هنا أنت هتشحت عليا ولا إيه!
فارس أصل أنت ماتعرفش تعبنا قد أيه 
يحيى طيب أنا ماشي بقى حتي ألحق اقعد مع مراتي و ابني انهاردة.
فارس أيوه يا عم المنضبط روح يا خويا روح وسلم على الولد ماجد.
يحيى حاضر يوصل سلام بقى .
آسر سلام .
فارس أنا كمان هروح أنام شويا وهروح بليل النادي ابقي تعالى .
آسر طيب هشوف .
فارس سلام .
.
في بيت أل الأسيوطي كانت قمر ترتدي منامتها القطنية المكونة من بنطال من اللون الأسود و تيشيرت بناتي من اللون الأحمر مزين بكتابه باللون الأسود و شعرها الغجري منسدل علي ظهرها كانت تجلس هي وعمها علي المائدة يتناولون وجبة العشاء في صمت حين قطع عمها محمد هذا الصمت وقال 
مش ناويه تغيري رأيك وتسافري معايا بكرة عشان تتعرفي عليهم 
قمر والله يا عمي رقيه هتيجى بكره ماينفعش أسيبها وأسافر وبعدين مسيرنا هنتعرف .
محمد براحتك يا قمر مع إني أنا متأكد أنك مش عوزه تسافري عشان تتابعي التحقيق في مۏت فؤاد.
قمر بارتباك ها لا أبدا أنا في أجازه أصلا لمدة أسبوعين.
محمد طيب علي على الأقل ترتاحي شوية من تعب الأعصاب.
قمر وهي تحاول أن تغير مجري الحديث هو حضرتك هتسافر إمتى 
محمد بإبتسامة تعلوا ثغره لنجاحها لتغير الموضوع
هسافر بدري عشان ارجع علي طول .
قمر لو عايز تبات معاهم عادي أنا هبقي مع رقية و طنط سحر.
محمد لا يا قمر أنا هرجع على طول وحجزت الطيارة خلاص .
قمر ربنا يرجعك بالسلامة يا عمي ابقي سلم عليهم.
محمد حاضر .
قمر معلش أنا هطلع أنا بقى .
محمد تصبحي علي خير يا حبيبتي .
لا شك أن الصباح هو بعث جديد لحياة جديدة
ذهب آسر إلي عمله ليتفقده و عاد سريعا وللاطمئنان على كل شيء قبل وصول عمه الذي ما أن وصل حتى قام سيف هو سارة باستقباله استقبالا حافل بالترحيب والحب فهو يعتبرهم أطفاله الصغار المحببين إلى قلبه وهم يعتبروه أبيهم .
محمد أنتم أخباركم إيه يا ولاد آسر فين مش باين 
سيف إحنا تمام يا عمي آسر شويا وجاي أنت أزيك و صحتك عمله إيه
محمد أنا الحمد لله بخير .
سارة على فكرة أنا عندي ليك مفاجئ هتفرحك أوى .
محمد ضاحكا بس أنا عارفها علي فكرة وفرحت أوي لما عرفت .
سيف ها يعنى حضرتك عارف إن .
محمد نتيجة التنسيق ظهرت وحضرتك بقيت البشمهندس سيف وحضرتها الدكتورة سارة .
سارة ها وعرفت منين بقى دا أنا مخلتش حد فيهم يقولك
سيف البنت دي فطنة بشكل معلش يا عمي امسحها فيا أنا.
محمد هههه أنا عارفة النتيجة يا سارة من قبل ما أنتي تعرفيها ومتخفيش هديتك محفوظة وهدية هتعجبك أوي.
سارة أيوه بقى أهم حاجة أنها تعجبني جدا.
سيف احم احم أنا نجحت بردك يا سيادة اللواء .
محمد ماتخفش يا سيف و أنت كمان هديتك في الحفظ والصون
سيف بتصنع الخجل مش عارف أقولك إيه يا عمي 
سارة وش كسوف أوي يا ولد ولله .
سيف بنت إنتي إيه ولد دي يا أختي!
فريدة أيه يا ولاد انتو هتتخانقوا ولا أيه يلا أتفضلوا حضروا السفرة يله عشان عاوزة أتكلم أنا وعمكم شوية.
خرج سيف وسارة من غرفه الصالون بينكما نظرت فريدة إلى اللواء محمد في ترقب وهو أيضا وقالت 
أنا كنت عاوزة أتكلم معاك في موضوع مهم يا سيادة اللواء قبل ما آسر ييجي .
محمد أنا بردو يا أم آسر في موضوع مهم عاز أخذ رأيك فيه .
فريدة خير يا محمد قول اللي أنت عايزه .
محمد لا خلى