رواية "أشرقت بقلبه" بقلم ډفنا عمر الجزء السادس

لها وعيناه شاخصة بشرود 
ومين قال اني هسكت! 
لتتدخل والدته بتقريع قولتلك سيبك منها يا مايل وشوف حالك واتجوز غيرها روحت تعملي عنتر أهي بنت فتحية لتاني مرة بتكسر مناخيرك قصاد الناس وتدخلك القسم.
رمق والداته بغيظ مكتوم لتهتف مٹيرة استفزازه أكثر 
بتبصلي كده ليه يا واد هو كلامي مش عاجبك انت مش اول واحد يسيب مراته طلعها من دماغك وشوف حالك وحالنا أنا لولا القرشين اللي اخوك بيبعتهم من شغله في شرم الشيخ كان زماننا مش لاقين ناكل فوق يا عزت محدش هينفعك.
لتستطرد وهي تشير لابنتها وبعدين انت هتسيب اختك كده بعد ما جوزها طردها من بيتها مش تروح تديه كلمتين في جنابه وتعقله
لتزمجر قمر تلك المرة صائحة بغطرسة أنا محدش يقدر يطردني ياما أنا اللي مشيت بكيفي عشان اربيه خليه يوريني هيعرف يتصرف ازاي من غيري هو وابنه.
مستطردة بذات الغرور رفعت لازم يجي لحد عندي يعتذرلي ويتعهدلي انه يجيب خدامة تقوم بشغل البيت. 
صاحت والدتها بفخر أيوة كده يا بت يا قمر خليكي جامدة وجوزك أخرتها هايجي راكع بيبوس ايدك ويقولك ارجعي بيتك هو في راجل يعرف يعيش من غير ست خصوصا إن ابنكم هيلوي دراعه لما مايعرفش يشيل مسؤليته لوحده.
تهكمت بقولها علي رأيك ياما خليه بقا يوريني شطارته بعد ما..
طرقات علي الباب بترت حديثها فتوجه عزت ليتبين الطارق 
_ رفعت
بنظرة جامدة طالعه الأخير قبل ان يتمتم ببرود 
عايز اشوف قمر. 
ببساطة استقبله عزت حامدا الله علي مجيئه من مصلحته ان ينفض من مشكلة قمر ويخرجها من رأسه كي يتفرغ لانتقامه من طليقته الخائڼة تنفس براحة وهو يقول أنا كنت عارف انك راجل محترم وعاقل ومش هتسيب الأمور تطول بينك وبين مرات أكتر من كده. 
رمقه رفعت بغموض مجيبا عندك حق يا عزت مفيش داعي نطول في حكايتنا أكتر من كده والحل في ايدينا.
بغرور تخلل صوتها وکسى نظرتها وضعت قمر كفها وسط خصرها هاتفة وهي تقترب منه وتواجهه بثبات أسمع يا رفعت عشان نكون علي نور من اولها أنا مش هرجع معاك البيت غير بشروطي أولا لازم تجبلي خدامة تنضف البيت وتطبخلي كمان أنا بالعربي كده مبحبش وقفة المطبخ ومش واخدة علي المرمطة وكمان زودلي مصروف الشهر شوية العيشة بقيت غالية وانا بشتري طلبات البيت وعارفة أما ابننا أنا 
_ أبننا هو ده اللي جيت مخصوص عشانه ياقمر. 
لمعت عيناها وتبادلت مع والدتها نظرة ثقة مفرطة مفترضين مجيئه راضخا كما حدثتها الأخيرة منذ قليل لتغمغم له ماله ابننا طبعا تعبك ومش قادر ترعاه لوحدك. 
تبسم لها باستخفاف بالعكس يا قمر ابني مش ناقصه حاجة ولا هينقصه طول منا عايش أمي واخدة بالها منه كويس ومش مقصرة.
اتسعت عيناها ببريق حاقد كيف لم تتوقع هذا!
بالطبع والدته هي من سوف تقوم بدورها وتعترف انها ترعاه منها هي هل تنفلت الخيوط من بين أصابعها بعد أن ظنت أنها أحكمت حلقات مكرها حوله
_ قمر خلينا نتكلم علي المكشوف وكل واحد فينا ياخد اللي عايزه من التاني وبعدها ننفصل بهدوء وبدون مشاكل.
حملقت به بذهول غير مصدقة ان تصل الأمور لهذا المنحدر. 
أي طلاق لم تخطط له أو تضعه بحسبانها فقط تريد العيش برغد وألا تحرم من شيء.
_ أنت بتقول ايه يا رفعت عايز تطلق مراتك بالسهولة دي عشان جيت لقيت طبقين وشوية هدوم متغسلوش وأنا اللي قلت عليك عاقل و 
_ أنا دلوقت بس رجع عقلي يا عزت. 
قالها رفعت عاليا بصرامة حاسمة وهو يعود بحديثه لقمر التي لا تزال مصډومة قمر أنا عارف ان أنا وابنك مش رقم واحد في حياتك انتي أهم حاجة عندك الفلوس وأنا هديهالك بس بشرط. 
تعلقت الأنظار به قبل ان يستطرد راميا الكورة بملعبها تعملي تنازل عن حضانة ابنك ليا وقتها هتاخدي شيك بنص مليون جنيه غير مؤخر الصداق بتاعك وبقيت حقوقك كاملة.
_
أسرعت بغلق النوافذ وهي تتلفت خلفها كل لحظة خوفا من اي مباغتة غادرة ثم دست بحذر بحقيبتها سرنجة كبيرة تدافع بها عن نفسها إن اعترض ذاك الوغد طريقها تقسم ستغرزها بعيناه وتفقعها له لو حاول التعرض لها مرة إخرى أغلقت الباب ومازالت تتلفت بحرص حولها هابطة الدرج لتلمح ضل أحدهم قابع أسفل الدرج رجفت قليلا پخوف لكن سريعا ما تماسكت وأخذت نفس عميق قبل أن تستدير موجهة أبرة المحقن لصاحب الظل الذي كان أسرع منها وهو يقبض على ذراعها بقوة ويطالعها بدهشة اما الذهول الحقيقي كان من نصيبها وهي تغمغم بخفوت أنت
نظر إليها بثبات بعد ان نفض دهشته بعيدا أيوة أنا رضا.
يخيل إليه انها تنفست براحة وهو يرى بريق نظرتها العڼيف يهدأ وتروق سحابة خۏفها وذراعها يرتخي قليلا قبل ان تستعيد شراستها بلحظة واحدة وهي تدفعه عنها هادرة انت ايه موقفك هنا في الضلمة يا جدع انت