اسكربت بقلم سوليه نصار

...انسي ...واحدة زي دي مش هتقدر تاخد مكانتي عندك ...أنا عارف انك بتحبني وهي عارفة كده كويس بس نعمل ايه الرخيص هيفضل طول عمره رخيص وهي رخيصة لما فكرت أنها هتقدر تاخدك مني مستحيل ...
أتوترت فاطمة فزعقت أنا 
احترمي نفسك ...فاطمة تبقي مراتي زيها زيك وهتعيش هنا وانتي عايزة تتطلقي اتطلقي أو ارضي بالواقع وعيشي هنا يومك زي يومها وحقوقها زي حقوقك فاهمة .!!

وبعدين مسكت ايد فاطمة ودخلت بيها الاوضة التانية وانا جسمي بيترعش ...كنت حاسس اني منفعل ...قفلت الباب كويس فقعدت علي السرير ...لثواني حسيت بتأنيب الضمير لاني دخلتها اللعبة دي ...استغليت ظروفها واتجوزتها ...اتنهدت وانا بفتكر من اسبوع تقريبا عرفت أن عمها عايز يجوزها ڠصب عنها لواحد قد ابوها وعشان كده انا روحت طلبتها منه وبعدين اتفقنا علي كل حاجة وهي عشان تهرب وافقت بشرط اني بعد ما اطلقها احميها من عمها وانا وافقت لاني عرفت ان رغم أن جوزها ماټ هي لسة عايزة تحافظ علي ذكراه....لسه بتحبه وبصراحة لما عرفت كده حسيت بالغيرة أن واحدة تحب راجل للدرجادي رغم أنه مېت من سنتين بس مقدرتش تنساه ولا تشوف غيره حتي لسه لابسة السلسة بتاعته وبتفتكره دايما 
...اتمنيت أن رضوي تحبني الحب ده كله ...أنا متخيل اني لو مۏت رضوي هتبكي عليا ساعتين وتروح تكمل شغلها اللي حرفيا بقيت احس انه اهم مني ...طلعت من شرودي ولقيت فاطمة غيرت ابتسمت برسمية وقالت
هنام أنا علي الكنبة اتفضل حضرتك نام علي السرير ...
هزيت دماغي وقولت
لا ميصحش ...
اخدت المخدة وروحت علي الكنبة من سكات وانا مقرر انام عليها ...
...... 
تاني يوم طلعت من اوضتي بدري كانت فاطمة لسه نايمة واټصدمت لما شوفت رضوي واقفة جمب السفرة محضرة الفطار ومبتسمة ليا بحب ....غريبة يعني اول مرة تتنازل وتحضر الفطار بدل ما تكون في شغلها ...قربت مني  وقالت
صباحية مباركة يا حبيبي ...
ايه بتودعيني قبل ما تسميني ولا ايه ...
ضحكت وهي بتسحب أيدي وقعدتني علي الكرسي وقالت
وانا اقدر 
وبعدين بدأت تأكلني في بوقي ...اترددت وهي بتتكلم وقالت
بصراحة فكرت في اللي حصل امبارح ولقيت عندك حق ...من حقك يكون عندك طفل وبصراحة أنا مش في نيتي اجيب اطفال خالص ...أنا عمري ما شوفت نفسي ام عشان كده فاطمة مثالية جدا عشان تجيبلك ولي العهد ...
كنت ببصلها پصدمة ...افتكرت انها اتعدلت بس مفيش فايدة ...كملت وقالت
بس يا حبيبي فكر في وضعي لما يعرفوا أن جوزي انا اتجوز عليا ...اقابل ازاي زمايلي في الشغل عشان كده نخلي جوازك من فاطمة سري ولما تخلف الطفل ناخده منها ونربيه كأنه ابني وهي نديلها قرشين وتغور!!!
يتبع
ليس_ملكي
سولييه_نصارالجزء التالتشكرا علي تفاعلكم السكربقلم سولييه نصار
انتي اكيد اټجننتي صح لاني حاليا بفكر اتصل لأي مصحة وارميكي فيها
زعقت فيها وقومت ...بصتلي پغضب وقالت
يعني مش كفاية هسامحك ...كمان بترفض طلبي...انت عايز ايه ...عايز تمسك ايد البنت دي وتقول انها مراتك ...بقا الدكتور الكبير المحترم هيقول ان حتة سكرتيرة ارملة زي دي تبقي مراته ...بالله عليك مش هتتكسف بعد ما كنت متجوزني أنا المهندسة المشهورة اللي بعد اسبوعين هترقي وامسك مركز كويس في الشركة لواحدة زيها ...انت مچنون يا حسام ...
بصتلها وانا حاسس انها سقطت من نظري ...مكنتش اعرف انها نرجسية للدرجة دي ...حرفيا كنت متغاظ منها هي ازاي كده ...ازاي تكون بالجبروت ده ....وانا اللي كنت بحاول يكون لينا فرصة ....قولت هتتعدل بس أنا غلطان ...قومت ووقفت وقولت
فاطمة اللي انتي بتقلي منها دي ضفرها برقبتك انتي...
بعدين قومت ودخلت الاوضة وسيبتها ...لقيت فاطمة فعلا صحت وماسكة سلسلة وعيونها مدمعة ...
فاطمة 
قولتها بهدوء ..
بصتلي ولبست السلسلة بسرعة وهي بتمسح دموعها فاتنهدت وقولت
يالا عشان هنفطر ونطلع 
تمام ...
قالتها بهدوء ...
......
كنت قاعد بفطر أنا وهي بهدوء ...رضوي طلعت من غير ما تتكلم بس كان باين عليها انها عصبية ومتضايقة بس مهتمتش بيها ....كنت مقهور منها ..مش مصدق رغم كل اللي عملته عشانها قبل كده تطلع كده بس خلاص انا قررت أنا هعيش حياتي مع اللي اتجوزتها ومش هظلمها ....
.....
كنت سايق العربية بصتلي فاطمة بحيرة وقالت
هو احنا مش هنروح العيادة يا دكتور !!
ابتسمت وقولت
نروح العيادة