زواج عانس بقلم فاطمة الألفي

زواج عانس 
فاطمة الألفي..
بنوته جميلة داخله على سن التلاتين واقفه قدام المراية في اوضتها وسرحانه بتبص لنفسها 
كلمت نفسها في المراية. 
وبعدين يا فريدة كل اصحابي اتجوزوا مابقاش غيري أنا بس هو أنا ناقصني حاجة أنا شايفه نفسي حلوة ومتعلمة وكمان مدرسه قد الدنيا ودلوقتي امي هتدخل تستعجلني وتقولي اتزوقي عشان تلفتي الانظار كل بنات العيلة كمان اتجوزت وانتي لسه قاعدة في قربيزي وبترفضي العرسان ليكي عين تتشرطي أوووف.
دخلت والدتها تستعجلها اخلصي يا بنتي هنتاخر على الفرح كدة 
شهقت صفية پصدمة وهي بتبص فريدة يا بت اسمعي كلام امك وانتي تكسبي أنا عاوزة مصلحطك

فريدة أعمل إيه يعني يا ماما 
صفيه وهي ماسكة ايد بنتها وبتلفها عشان تشوف لبسها 
يا بت يا خيبه مش تزودي احمر الخدود شويا خليها تورد كده ولا تحطي كحلة ترسمي عنيكي الحلوين دول 
لا وكمان الفستان مش راسمك يا بت اظهري قوامك وجمالك 
نفخت فريدة بضيق 
مش مضطرة اعمل كده عشان ألفت نظر حد والله اللي عاوز فريدة هيجي لشخصها مش لشكلها وجسمها
لوت شفتيها بضجر وقالت
بطلي يا ختي الاشعارات الكدابة اسمعي كلامي وهتكسبي
بصت فريدة لساعه وقالت 
هنتاخر على بابا كده يا ست الكل يلا بينا 
مسكتها صفيه من ايدها وخرجوا من اوضه فريدة 
بينا يا آخرة صبري ..
في حفل الزفاف. 
قاعة مليانه بالاهل والأصحاب فريدة قربت عند الكوشة عشان تبارك ل بنت عمها وبعدين قعدت على تربيزة بعيدة عن زحمة الناس. 
جت صاحبة والدتها الست الحشرية 
عبقالك يا فريدة مش هنفرح بيكي بقى يا بنتي 
ابتسمت فريدة ربنا يسهل يا طنط كله باوان 
قعدت جنب صفيه وعند ودانها تهمس لها 
عندي عريس لقطة لبنتك يا صفية بس أصغر من فريدة بسنتين بس جمال ايه وطول بعرض وقمر بس عاوز يقابلها
سمعتهم فريدة بيتكلموا عليها قامت مخڼوقة عارفه هم بيتكلموا على ايه سابت القاعة وخرجت تتمشى على البحر وقعدت تبص على موجه وبدءت تكلم نفسها 
نفسي أعرف الرجالة اتسط في نظرهم ولا ايه كلهم اتعموا فجأة وماحدش شايف جمالي ولا قوامي ولا ضحكتي ده انا حتى عندي غمزات أيوة يا جدع بتنور في الضلمة
ابتسمت بهدوء ورفعت الفستان ودلت رجليها في ماية البحر الأمواج بتخبط في رجله ا وهي سعيدة وبتغمض عنيها عشان تحس بنسمات الهوا نسيت حزنها وقالت لنفسها 
انا مش لازم اكون ضعيفة مستسلمة لنظرات الناس انا مش اقل من اي واحده انا هحب واتحب اكيد بس عادي لسه نصيبي ماجاش انا مش عانس ولا بايرة ولا فاتني قطر الجواز أنا واثقه أن عوض ربنا جميل ومش قلقانه من تأخر الزواج اكيد حبيبي في مكان ما بس هو متعثر في الطريق اكيد على وصول بس هيوصل في الوقت المناسب
.
كان واقف شاب بعيد بيراقبها وسمع كل الكلام اللي فريدة قالته لموج البحر وبعدين مشي قبل