رواية أنت لي بقلم ډفنا عمر الخاتمة

يكون آذن!! 
وكمان اشوف بنتك بشرى فين أحسن تكون بتاكل من ورايا المفحوعة!
ضحك قائلا 
فعلا مابتتحملش وكل شوية تيجي تستعطفني وتوجع قلبي بنت اللذينا وتقولي 
يا بابا أنا جعانة وبطني مافيهاش شيكولاته ولا بسكوت ولا شيبسي ولا مكرونة! طب هاكل واحدة قطايف واصوم للمغرب ومش هاكل تاني!
ضحكت لبراءة طفلتها عايزة تسلي صيامها بالقطايف دي بتصوم ساعتين من الضهر للعصر البكاشة وبتستعبط وبتعمل كده معايا ومش بطاوعها لازم يا بهاء نعودها على الصيام من دلوقت زي أختها شمس وحسن ربنا يحرسه ويحميه راجل وشديد من يومه ولا مرة طلب ياكل ابدا وبيصبر بشكل بيدهشني على عمره الصغير ده!!
أبتسم بهاء بحنان وفخر وإعجاب تعرفي أنه واخد من طبع أمي الله يرحمها كانت شديدة وصبورة وقوية كده! ثم تبدلت لمعة عينه الحانية بأخرى حزينة مستطردا بس أنا اللي ماكنتش فاهمها صح!
سجدة منتشلة إياه من انجرافه لذكريات مازلت للآن تؤلمه طب حسن وعرفنا طباعه طالعة لمامتك وشمس كوكتيل واخده من الكل.. بشرى بنتك بقي طالعة لمين في موضوع قلة الصبر علي الصيام!
بهاء وهو يستعيد روحه المرحة بعض الشيء 
أقولك وتستري عليا قدام الولاد!
أومأت سجدة برأسها إيجابا بحماس فأكمل
بصراحة طالعة ليا أنا .. ماكنتش بتحمل الصيام أبدا وبخاف ازعل بابا لو فطرت.. فكنت بلقط وأكل من وراهم مالذ وطاب طول النهار من غير ما حد يشوفني!
أنفجرت سجدة تضحك پهستيريا وهي تتخيل فعلته 
فقال پغضب مصطنع أنا غلطان أني حكيتلك أتفضلي على مطبخك وسيبيني أقرأ في القرآن.!!
همت بمغادرته بالفعل حتى لا يضيع الوقت فمازال لديها الكثير لتفعله.. إلا أن أوقفها بهاء بندائه ثم انحنى قرب أذنيها يحدثها بصوت ماكر 
بقولك أيه .. بالليل عايز أحلي بأم علي!
أحمرت وجنتيها وهي تعرف مغزى طلبه ومعناه فهتفت پغضب تداري به خجلها 
يوووه يابهاء.. مش وقتك خالص على فكرة!
ضحك على مرآى أحمرار وجهها وخجلها المحبب.
. 
ثم حمد الله سرا على نعمته بها..
ربما لم تنتهي رحلة ندمه واستغفاره بعد ويظنها لن تنتهي حتى يأخذ الله أمانته! ..
ولكن يكفيه أنه لم يظل ذاك العاصي العاق الفاسد الفاقد أحترام الجميع لقد منحته رحمة ربه زوجة صالحة تحبه وتدعمه وتخفف عنه صعوبات الحياة كما أنعم عليه بتؤاميه الحبيبين ثم بالصغيرة بشرى والتى اختار لها هذا الأسم لشعوره أنها هكذا آية وبشرى جديدة وأكيدة لغفران ربه ومسامحة سجدة له بعد عودتهما ومحاولته تعويضها ما قاسته!
سيفعل كل ما بوسعه ليغرس بأطفاله كل شيء تمناه في نفسه يوما! ودائما ما يدعوا أن يرزق برهم وطاعتهم عندما يبلغ من الكبر عتيا ..!
_ يا رغد.. يا أم. نيازي .. أنتي فين أنتي والولاد !
توجهت رغد إليه گ القذيفة من مطبخها وتحمل بيدها ملعقة خشبية كبيرة ملوحة بها بحنق شديد 
ولادك تحت عند جدتهم يدوب فطرنا ونزلوا.. ممكن بقى تبطل تنرفذني وتقولي يا أم نيازي يا سيف!
مش كفاية الأسم العجيب اللي أختارته مامتك لابني! 
ذنبي أيه إنها حلمت وأنا حامل إني جبت ولد اسمه نيازي! يعني لو كنت سميته احمد كان هيتحول بالليل
ثم واصلت بغيظ 
بذمتك ياشيخ في حد لسه بيسمي الأسم ده دلوقتي!
سيف وهو يشعل حنقها أكثر ليه بس كده بس يا أم نيازي! ده حتى أسم مميز ومختلف!
رغد سييييف ماتغظنيش أسمه نيزو مش نيازي!!
أنا ماصدقت كل الناس اتعودت تقوله كده .. ونسيوا نيازي خالص!
سيف ضاحكا والله انتي مچنونة يا رغد في حد يكره أسم أبنه.. ثم هتف قاصدا إثارتها غيظهاأكثر 
عموما المرة الجاية أمي هتختار حاجة تعجبك!
رغد وهي