نوفيلا حارة رمضان الجزء الأول

يجي من السفر ويروح معاك..ولا حتى سالم اخوك ياخدك. 
_ لا محڼا هنروح مع عم هارون..ابويا اتفق معاه قبل ما يسافر عشان عارف ان هو كمان رايح يجيب بضاعة للمحل بتاعه من العتبة.. 
_أه ان كان كده ماشي..بس تاخد بالك ياحبيبي.. تروحوا وترجعوا في ايد عمك هارون. 
_ حاضر ياماما.. سلام. 
_ في رعاية الله ياضنايا. 
شكلك مش عايز تبيع لي فوانيس السنادي ياحاج صلاح
بصوت عالي ارتشف الأخير رشفة أرجيلة ثم زفر دخانها يا هارون أقسم بالله أنا زيي زيك الخامات بتغلي علينا وربنا عالم اننا يدوب بناخد مكسب يعيشنا مستورين
_ ومع كده طمعان ومتعشم تراعيني شوية عايز املي المحل شهر رمضان قرب وعايزين نفرح الناس. 
_ يعني بتلوي دراعي خلاص هسيبلك مېت جنية من السعر النهائي ويمين بالله ما هينفع انزل عن كده..ولا انت عايز تخسرني ياعم هارون
_ لا مايرضنيش تخسر ربنا يجبرنا كلنا خلاص اتفقنا.. هشوف عربية تشيل البضاعة واروح اشوف حالي.. بس كمل جميلك وظبط للعيال دي فانوس كبير يعلقوه في حارتنا..راضي العيال بقا انا مش هتكلم انت كلك مفهومية..سلام
_ بالسلامة وماتقلقش. 
نظر للصغار وقال برفق عايزين فانوس صاج ولا نوع تاني يا ولاد
بادر أحمد لا صاج يا عم صلاح عشان يتحمل.. وبرضو ورينا اللي عندك بس الله يخليك اكرمنا في السعر زي ما وصاك عم هارون عشان لسه عايزين نشتري زينة للحارة كلها. 
_ عيني ياحبيبي. 
ثم صاح بصوت عال يا سعيد هات دور عصير قصب معتبر للجدعان الصغيرين دول على حسابي. 
لمعت عين الصغار وقد أضناهم العطش دون أن ينتبهوا شاكرين ذوق الرجل. 
تجرعوا أكوابهم سريعا وغمغم أحدهم شكرا ياعمي. 
_العفو يا ابني انتو في مقام أحفادي.. ها أختارتوا الفانوس اللي هتشتروه
_ أيوة اختارنا.. 
_ على خيرة الله.. مبروك عليكم.. 
_ سعره كام بقى 
_ عشان خاطر عيونكم هبيعه ب ... . نزلت في كتير والله أنا ببيعه للغريب أكتر من كده موافقين
تبادل مع رفاقه النظرات قبل أن يهتف أحمد ماشي.. طب معلش ممكن نسيبوا معاك على مانكمل باقي طلبات الزينة 
_ أه طبعا.. هغلفه لحد ماترجعوا..وعشان اعمل معاكم واجب تاني الناصية اللي بعد الجاية علي أولها بتاع زينة وقماش خيامية.. قولوا انكم من طرفي هيراعيكم في السعر على الأخر.
____________
صباح يوم الجمعة في منزل الحاج متولي. 
_ أتفضل جلبية الصلاة البيضا اتكويت وزي الفل عايز حاجة تاني ياحاج 
غمغم وهو يتناولها يرتديها شكرا يا ام سالم بقولك ايه عايزك انتي وصباح تبدؤا من انهاردة تنقوا فول التدميس والفول المدشوش بتاع الطعمية.. عشان نظبط شغلنا علي نضافة. 
_ عيني نخلص طبيخ ونقعد ننقي فيه بإذن الله مش هياخد في ايدنا تلات تيام. 
_ براحتكم قدامكم لسه عشر أيام كل يوم تنقوا شوية.. أنا نازل لصلاة الجمعة عايزة حاجة
_ عايزة سلامتك يا اخويا.. ادعيلنا معاك. 
_ ربنا يرزقك بزيارة بيته ويبارك في عيالنا. 
_ اللهم امين. 
__________
وشك ولا القمر يا ابو رامي ياكنفاني
ابتسم لجاره المسيحي عم حلمي زي عيونك الحلوة يا راجل ياطيب.. عامل ايه انت وعيالك.. 
_ زي الفل.. بقولك ايه متنساش جارك أول يوم رمضان بطبق الكنافة بالموز وقطايف القشطة بتاعة الحاجة..ولا عشان أنا مسيحي هتحلوا لوحدكم
مازحه الرجل طب وإذا أكلنا الكنافة لوحدنا هتعمل ايه يا حلمي 
_ هقطع الزينة اللي عملتوها في الحارة دي كلها واقطع الكهربة عن الفانوس الكبير ده. 
قهقه الكنفاني والله لو هان عليك تعب العيال في تعليق الزينة.. اقطعها واصطفل منك ليهم..ده انت حتي دافع معانا فيها وابنك مينا عملها مع العيال.
_ أه منك انت مش سهل ياكنفاني.. عارف ان قلبي ضعيف ومقدرش ازعل عيال الحارة.. خلاص بس برضو هستني نصيبي من كنافة وقطايف الحاجة أول يوم. 
كاد أن يرد الكنفاني بشيء لولا أن قاطعه هارون أتيا من الخلف بجلباب أبيض صباح الخير. 
صاح حلمي وادي سيد جدعان الحتة جه
هارون بتهذيب تعيش يا عم حلمي.. علي فكره أنا سمعت كلامكم..واستطرد لعلمك كلنا بنستنى كنافة الست ام رامي هو في حد بيعمل كنافة وقطايف زيها في الحارة كلها 
ربت الحاج على ظهره بود تعيش يا ابني..احنا ماننساش اهلنا ابدا.. كل عام وانت بخير ياهارون. 
_ وأنت بالصحة والسلامة يا حاج..العام الجاي تكون علي