رواية بصائر تغشاها الثرى بقلم ډفنا عمر الفصل الأول والثاني

الحب حتى اعتدتها ولم تعد يؤثر في كما لا أحاول ردها عليه بالمثل معتبرة تبجيله الدائم لجمالي وروعتي أمرا مسلم به.
_جبت معاك عشا انا مطبختش انهاردة.
هكذا قلت وأنا أتملص منه فغمغم مبتسما وإن ازعجه بتري للحظة عاطفته طبعا يا حبيبتي جبت مشويات من المحل اللي بتحبيه ثم تحسس بطني بحنان ولهفة المهم البيبي عامل ايه
نظرت لموضع يداه متذكرة حملي حديث العهد والسبب بنفوري من كل روائح الطعام.
_مفيش جديد مش طايقة أي اكل.
_لا بس انتى بتحبى المشويات وهتاكلي إن شاء الله.
سريعا ما انفض الغداء وجلسنا وهو يرتشف جواري قدح الشاي الساخن ويتابع أمامه إحدى القنوات الرياضية باهتمام ليشتعل خاطري من جديد بتساؤلي الذي راودني قبل مجيئه فطرحته عليه دون تأجيل تعرف يا أصيل في سؤال محيرنى اوي.
لم تبرح عيناه الشاشة وهو يجيب 
سؤال ايه يا حبيبتي
انتظرت لحظات أراقب اهتمامه بالمباراة المعادة ثم قلت ليه اتجوزتني وانت عارف ان طباعي وحياتى مختلفة عنك
هنا صمت دون أن تحيد عيناه عن شاشة التلفاز وأظن أنه فقد تركيزه بما يتابعه لأكمل حديثي. 
_أصيل احنا تقريبا عكس بعض في كل حاجة وانت بتبذل مجهود كبير من يوم جوازنا عشان تغير فيا حاجات كتير مثلا صممت تحجبني رغم اني كنت رافضة الخطوة دي بدري كده وبتحاول تعودني على أمور كتير أنت عارف اني مش مقتنعة بيها يبقى ليه اختارت تتجوزني
صمت لحظات أخرى يتأكد أني حررت كل تساؤلاتي ليلتفت لي ويخبرني مع ابتسامة هادئة 
لو فكرتى شوية كنتي عرفتي الإجابة بنفسك.
ثم غمرني بنظرة تسيل منها عاطفة صادقة مع همسه لأنى حبيتك ياغزل.
لم أستطع صد مشاعره أن تنفذ إليا بصدقها المعهود وأنا أتشرب نظرته وصوته الدافيء رغما عني ليسترسل بحديثه من صغرنا وقعت في غرامك وانا لسه مش فاهم يعنى أيه حب كبرت واتمنيت تكونى ليا لوحدي ومحدش يلمسك غيري حتى في الأخرة عايزك تبقى مراتى زي ما كنتي في الدنيا وعشان ده يحصل لازم تتغيرى وتلتزمي شوية وده اللي أنا بحاول اعمله معاكي ونفسي تساعديني يا غزل.
قابلت دفء مشاعره هذه المرة بفظاظة ثائرة بس أنا زهقت يا أصيل انا مش مبسوطة بالحياة اللي انت بترسمهالي حاسة انك حابسنى في قمقم وقافل عليا سبني انا أقرر كل حاجة من غير ما تفرضها عليا فيها ايه لو عشت حياتي زي ما بحب لحد ما ربنا يهديني من عنده.
_وانتى ضامنة تعيشي لحد ما ربنا يهديكي
ألجمني رده بضع ثوانى قبل أن أصيح عليه بحدة هو ده بالظبط اللي بيعصني منك انت دايما بترهبني وتزرع فيا الخۏف اني مش هلحق اي حاجة كأن القيامة هتقوم بكرة. 
_بالعكس انا بنقذك من استهتارك بالأيام والعمر.
_انت بتخنقنى يا أصيل
_انا بحبك يا غزل.
_حتى في دي مش حرة لازم أحبك لمجرد إنك بتحبني
بعض الندم أصابني بتسرعي لما قلته وشعوري أني كسرت خاطره دون قصد وقد غبر وجهه الحزن لبرهة ثم حارب ما اعتراه بوميض أمل تشبث به 
أنا عارف إنك مش بتحبيني زي ما بحبك بس متأكد إن في يوم ده هيحصل احنا لسه في بداية حياتنا وقريب هنكون أب وأم.. يعني في رابط قوي هيدعم علاقتنا أكتر.
ثم التقط يدي ولثم أصابعي وهمس بحب برق بعيناه 
غزل..بكرة تعرفي إن محدش في العالم ده بيحبك زي ما بحبك أنا واثق إن اليوم ده هايجي.
مكثت أنظر له أتأمل ضي عاطفته التي تكحل عيناه لأجدني أمنحه ابتسامة قصيرة نوعا من جبر الخواطر لما قلته منذ لحظات ولا أعرف لماذا لا أبادله هذا العشق ربما لو امرأة غيري لذابت من مشاعره الجارفة هذه لكني لست كذلك دائما أشعر أننا لا نتشابه وكأننا من عالمان هو معجون بلوني الأبيض والأسود دون خيارات متاحة وأنا مفعمة بألوان حياة أخرى لا أجدها مع أصيل هكذا دائما يظل الصراع داخل عقلي أن الحياة معه شديدة الرتابة ولا تناسبني..لا تناسبني على الإطلاق. 
________
رواية بصائر تغشاها الثرى بقلم ډفنا عمر
عافرت السيدة العجوز وهي تعبر من بين ضلفتي باب قديم حاملة فوق رأسها سلة من الخوص على الطراز القديم تبدو عامرة بالكثير من الأشياء لتساعدها غنى بود قائلة.
_عنك يا طنط. 
ثم رحبت بها وهي تقول. 
_ليه بس كل مرة تتعبي نفسك كده ده كفاية زيارتك الغالية لينا كل شهر بالدنيا كلها. 
قالت أم زوجها وهي تجلس فوق أقرب مقعد. 
وأنا هجيب لأعز منكم يا بنتي مطرح ما يسري يمري. 
ثم أشارت للسلة بحذر. 
بسرعة شيلي الطيور في الفريزر أنا غسلتها بالدقيق والليمون ومخلياها زي الفل وحطي الكرنبتين دول في المطبخ هقوم اسلقهم بعد شوية واخزنهم ينفعوكي بعدين عمك صالح جارنا بيوصلك سلامه وباعتهم ليكي من أرضه مع شوية طماطم و خضرة طازة. 
لمعت عين غنى بسعادة وهي تتمتم بعبارت شكر وامتنان واضعة الطعام في الفريزر والمطبخ ثم تفقدت ما تبقى في السلة لتشهق بغتة وهي تصيح. 
_ رز معمر
ضحكت السيدة بصوت يتخلله بعض الحشرجة. 
_ أهو أنا كل مرة بستنى شهقة الرز المعمر دي ولا كأنها شهقة ملوخية. 
ثم عادت تضحك حتى سعلت لتلحقها غنى بكوب ماء وهي تدعوا لها بالسلامة. 
_ربنا ما يحرمنا منك أبدا..العيال بيحبوه ومهما أعمله الواد عمرو ابني يقولي لأ مش زي اللي بتعمله تيتة. 
ضحكت وعيناها تبرق بحنان قلب تيتة هو واخته هما فين امال
_لسه في المدرسة وهاشم خرج من بدري..هعملك فطار ونفطر سوا على ما يجوا
_ أنا فطرت يا بنتي أعملي شاي كفاية. 
غابت دقائق وعادت بكوبان من الشاي وضعتهم فوق طاولة جانبية صغيرة ثم قالت بحماس. 
_طنط غمضي عيونك. 
تهكمت السيدة.
_وأنا محتاجة أغمض يا بنتي! الله الوكيل أنا شايفاكي أصلا بالعافية. 
ألحت عليها غنى بمسحة دلال. 
_يلا بقى يا طنط عاملالك مفاجأة ولازم تغمضي الأول.
_ليه هو الدلعدي اللي اسمه الفلانطاين جه
لما تتمالك غنى نفسها من الضحك مرددة. 
_فلانطاين ايه بس يا طنط أسمه فالنتاين وبعدين مالنا أحنا بالحاجات دي.
_على رأيك يا بنتي ده شغل عيال فرافير. 
_ طب يلا غمضي عيونك.
ضمت جفنيها بقوة أديني غمضت يا مرات ابني. 
أسرعت غنى لإحدى الغرف تختفي بها لحظات قبل أن تعود وتجلس قبالتها تقول. 
_يلا فتحي عيونك.
رمشت السيدة قليلا قبل أن تتسع عيناها تتفحص أمامها سلة من الخوص لكن تبدو حديثة الطراز مبطنة من الداخل بقماش ابيض جوانبها مزينة برسومات نخل أخضر يتوسطه مجسم لبيت ريفي صغير منثور فوقه بعض العصافير.. ظلت غنى تترقبها قبل أن تقول بلهفة. 
_ايه رأيك يا طنط مش أحسن من السبت القديم بتاعك اللي محدش بقا يستخدمه دلوقت عشان كده قلت اشتري ليكي واحد شغله حديث ومميز. 
ومازحتها بحماس لعلمك الناس هتوقفك في الشارع تسألك شارية السبت الحلو ده منين يا حجة. 
تهكمت گعادتها هو بعد الأخضر والأحمر المنقرشين عليه ده هيبقى فيها حجة
غنى بإحباط. 
_هو معجبكيش حضرتك
أشفقت عليها السيدة من إحباطها وربتت على كتفها بحنان بالعكس عجبني كفاية إنك افتكرتيني بهدية. 
لثمت غنى كفها المجعد قائلة بصدق. 
_ أنتي تستاهلي كتير اوي يا طنط أنتي مش مجرد أم هاشم جوزي أنا بعتبرك زي أمي..ونفسي أرد حاجة من جمايلك علينا. 
نظرت