رواية بصائر تغشاها الثرى بقلم ډفنا عمر الفصل الأول والثاني

فلوس ولا مصاريف.. هناخد منهم ايه يعني في الأخر عشان كل قرش تصرفيه عليهم..كفاية المصروف اللي بتاخديه مني ليهم عايزة ايه تاني وبعدين فلوس أمي يعني فلوسي ولازم تبقى في جيبي
وصاح مجددا يحذرها 
لو عرفت انك اخدت فلوس منها وخبتيها عني تاني هطين عيشتك يا غنى .
_ هاشم. 
هكذا صړخت عليه هادرة. 
_ متخليش صبري عليك يخلص انا متحملة عشان عيالي لكن كل حاجة ليها حدود. 
منحها ابتسامة مستهينة بها. 
_ هتعملي ايه يعني هتسبي البيت وتقعدي عند اهلك وانتي مين هيشيلك بعيالك ده اهلك عايشين بالعافية. 
ثم لوح بيده مستخفا بها ورحل لتغيم عيناها بكل معاني البغض والاشمئزاز والاحتقار له لا تدري ما الجرم الذي ارتكبته لتحظى بهذا الرجل..لولا صغارها ما ظلت أسيرة لحياة لم تورثها معه إلا الشقاء والقهر. 
___________
وضعت أمامه فنجان القهوة ثم جلست تتصفح المجلة بضجر وهي تزفر من وقت لأخر ليرمقها أصيل بطرف عينه ويلحظ تجهم وجهها الواضح.
_مالك يا غزل
وكأنها كانت تنتظر سؤاله لټنفجر قائلة 
زهقت الأيام بتعدي شبه بعضها ومفيش أي جديد في حياتنا.
استقبل شبح ثورتها بتفهم كعادته. 
_ استهدي بالله بس حصل ايه لكل ده
_ما هو المصېبة أنه مش بيحصل حاجة يا أصيل انت بتيجي من شغلك تتغدى وتلعب مع البنات شوية وبعدها تمسك الريموت وتدور علي اي مبارة سخيفة تشوفها او فيلم أسخف لحد ما يجي وقت نومك اللي هو آخره الساعة عشرة وبعدها تقولي تصبحي علي خير.
وواصلت بذات الثورة وانا من اول ما بصحي لحد ما بنام مش بعمل حاجة جديدة انا عندي ملل رهيب وانت مش حاسس بيا.
استعاذ من الشيطان وهو يقترب نحوها مطوقا كتفيها برفق يا غزل انتي اللي مش عارفة ترتبي وقتك في حاجات كتير اوي ممكن تسليكي لو مارستيها مع إن بناتنا التؤام المفروض مايخلوش عندك اي فراغ.
قاطعته ساخرة أيوة اسطوانة احمدي ربنا عندك ولاد يملوا حياتك وغيرك مش طايلها هتشتغل مش بقولك زهقت!
قابل سخريتها الساخطة بمزيد من حلمه لا يا ستي مش هقولك كده بس عارفة لو خصصتي وقت مثلا لورد قرآن كل يوم وانتظمتي في الصلاة شوية بدال ما بتقطعي فيها هتلاقي في سلام نفسي جواكي ومش هتحسي بالضيق ده كله بعدين عندك كتب كتير متنوعة جربي كده تدخلي عالم القراءة ده لوحده متعة رهيبة حتى شخصيتك هتفرق و...
_أصيل متحاولش دايما ترسملي كل حاجة اعملها أنا عارفة أني مقصرة في العبادات بس من فضلك دي حاجة تخصني ماتتكلمش فيها وقلت مېت مرة مبحبش القراءة..هستمتع ازاي بحاجة مش بحبها
_امال عايزة ايه
_عايزة أخرج اغير جو واشوف الدنيا انت مفيش مرة تفكر تخرجني من نفسك ولا تفاجئني بسهرة برة.
هتف بحماس والله انتي بنت حلال امي كانت بتقولي هات مراتك وتعالوا اتغدوا معانا بكرة ايه رأيك نروح بكرة كلنا عندها
هزت رأسها قائلة بيأس مفيش فايدة فيك يا أصيل عمرك ما هتفهمني.
ثم تركته وولجت غرفتها مخټنقة بالدموع روتين الحياة معه يطوقها گحبل غليظ تشعر أنها تختنق مع كل لحظة تمر عليها معه لا تدري ماذا تفعل لا شيء يرضيها لا شيء.
لحق بها محاولا استرضاءها بشتى الطرق وهو يلاطفها بصبر ومهادنة وحب لا يصطنعه ليقترح عليها نزهة ترضيها في مكان ما غدا ويبدو أن الفكرة راقتها ليتبخر بعض ضيقها وعاد لوجهها صفاءه ليجذبها دون أن تشعر للقاء دافيء بينهما أخمد به باقي ثورتها ليحتجز جسدها الرقيق بين ذراعيه بحنان كأنها طفلته التي ېخاف عليها من نسمة الهواء لا تنكر أنها هدأت بعض شيء من جرعة عاطفته هذه هي بالنهاية امرأة يخضعها الحنان ويروضها الحب مهما كانت ثائرة حتى لو لم تبادله عشقه هذا هي لا تحبه ولا تدري لماذا ولم تكد تسبل عيناها حتى تصارعت افكارها داخلها من جديد بأنها تعيش حياة رتيبة لا تناسبها.
________
وزنك زاد اليومين دول على فكرة 
قالها بمكر وهو يمشط جسدها الراقد جواره بتلك المنامة البيتية مدركا هوس زوجته بوزنها المثالي لتهتف بقلق وصحوة مباغتة بعد أن كانت تتثائب استعدادا للنوم بجد يا ريان تخنت
ثم نهضت سريعا تقف أمام المرآة تفحص جسدها قائلة معقولة يكون وزني زاد هجيب الميزان واشوف. 
لتقف وسط الغرفة تغمغم بإحباط 
خسارة الميزان عند بابا من وقت ما كنا عنده. 
_ بسيطة جربي تلبسي ده ونشوف هيدخل فيكي ولا لأ.
قالها وهو يجذب إحدى قمصان النوم من خزانة ملابسها ولم تنتبه ضحى لنظرة العبث بعيناه وهي تلتقطها منه قائلة ببراءة 
أيوة صح القميص ده بقالي فترة مش بلبسه وانت بتحبه عليا. 
_ طب يلا خدي شاور سريع كده يفوقك وجربيه. 
تثائبت من جديد 
بس انا عايزة انام يا ريان البنت تعبتني لحد ما رضيت تنام لوحدها في اوضتها هجربه بكرة.
_ يلا يا ضيحا بلاش كسل الموضوع مش هياخد دقايق. 
كان يدفعها برفق نحو المرحاض الملحق بالغرفة موصدا الباب خلفها يبتسم بخبث ولهفة تستحوذ عليه منذ قرابة الأسبوع ولم يقضي معها وقتا خاصا والصغيرة تجبرها كل ليلة لتنام جوارها بغرفتها فلا يساعه إلا أن يطبع قبلة على وجنتها هي وابنته لينام بمفرده هو الاخر.
اعاد ضم ستائر الغرفة المشرعة كي لا يتسرب الهواء فيصيب زوجته بالبرد يبتسم وهو يسمع صوت المياة المتدفقة تغمرها راودته فكرة ما أشعلت مشاعره أكثر نحوها ليتراجع عنها وهو يعلم مقدار خجلها إن فعل فعاد يتكيء على ظهر فراشه ينتظرها بشوق لتهل عليه وهي تغادر المرحاض تجفف شعرها بفوطة صغيرة تقترب من المرآة تدور حول نفسها وهي تقول 
أيه رأيك ريان القميص لسه حلو عليا
دنى نحوها ونزع الفوطة من فوق شعرها المبلل وتركها جانبا ثم عانقها وهو يدس وجهه بجانب عنقها هامسا 
يجنن يا ضيحا. 
ابتسمت وهي ترمقه في المرآة بريبة وقالت. 
_ليه حاسة إنك ضحكت عليا
_ حاسة مش متأكدة
ضحكت بدلال وهي تدور بين ذراعيه المعقودة حول خصرها لتطوق عنقه بذراعيها هامسة بنعومة عملت كل ده عشان توصل لغرضك يا لئيم. 
لثمها وهو يعاتبها برقة 
اعمل ايه ما انتي بقالك أسبوع مش سائلة فيا وبتنامي مع بنتك.
ليهمس بعدها برغبة وحشتيني.
شعرت كم قصرت بحقه وهي تلمس مدى لهفته التي حررها وهو يصبها عليها بسخاء حتى اكتفى لترسوا فوق صدره هانئة تعبث بذقنه وعيناه تستسلم للنوم لكنها لكزته تقول 
ريان كنت عايزة اطلب منك طلب. 
همهم ويكاد يغيب في طيات نومه لتلكزه ثانيا 
ريان فوق واسمعني وبعدين انام.
أجبر نفسه ليعتدل محاولا الانتباه. 
معاكي يا حبيبتي عايزة ايه
_ مش احنا طالعين مصيف بعد أسبوعين
_ ما انتي عارفة انا حاجز في الفندق من شهرين. 
_ ممكن جيجي صاحبتي تطلع معانا
_ جيحي مين
_ صاحبتي يا ريان هو انا ليا صاحبة غيرها
استعاد الكثير من انتباهه وقال 
بس ازاي انا حاجز غرفة واحدة في الفندق لمدة أسبوع. 
_ يا حبيبي ما انت ممكن تحجز غرفة تانية ليها هي و والدتها انا نفسي اخدها معايا هكون مبسوطة اوي. 
_ طب انتي عارفة الغرفة بكام
_ متقلقش هي عاملة حسابها دي فرحت جدا لما قولتلها الفكرة انها تحجز في نفس