رواية بصائر تغشاها الثرى بقلم ډفنا عمر الفصل الأول والثاني

دكر البت كله انتي والعيال.. كفاية على الموكوس الزلموكة اللي أكلها.. عشان يحرم يزعق لقلب جدته تاني. 
_________
رواية بصائر تغشاها الثرى بقلم ډفنا عمر
ضحى أنتي مش مبسوطة أننا راجعين شقتنا 
قالها بعتاب وهو يستلقي جوارها بالفراش لتبتسم له موضحة. 
_ ازاي تقول كده يا ريان بالعكس أنا فرحانة أن أخيرا موال النقاشة وتجديد البيت انتهى بعد ما كنت زعلانة أما شقتنا ڠرقت والحيطان باظت وجزء من العفش اتأثر بس 
_ بس ايه
_ بابا زعلان إن أحنا ماشين بيقول اتعود علينا وخصوصا كارما بنتنا أنت عارف روحه فيها. 
ابتسم بتفهم. 
_ عارف والله بس هو أحنا يعني مش هنزوره أوعدك نزوره دايما وانتي أي وقت تحبي تروحي لوالدك عمري ما همنعك عنه.
أطرقت برهة بصمت قبل أن تقول بحماس. 
_ ريان مش النجار لسه بيظبط دهان العفش اللي باظ من المية ما تخلينا مع بابا لحد ما 
_ النجار خلص شغله مش فاضل عنده غير كراسي السفرة بيعمل الرجول بتاعتها وده اكيد مش سبب يمنعنا نرجع بيتنا حتى لو هناكل على الأرض.. ده غير إن اخوكي كان بيجي هو ومراته يبات مع والدك من وقت للتاني طبعا وجودي قيد حريته. 
هكذا قاطعها قبل أن يتنهد بحنين. 
_ أنا وحشني بيتي أوي يا ضحى.. أنتي عارفة أنا ازاي مرتبط بكل تفاصيله ومتعود عليه..خصوصا لما ربنا رزقنا بكارما بنتنا اللي كانت وش الخير عليا بقيت أحسه بعد وجودها جنة صغيرة عايش فيها أنا وانتي. 
ربتت على صدره بحنان وحب متفهمة سبب تعلقه بهذا البيت الذي شيده بكده وعرقه كأنه كان يحقق أمنيته الخاصة أن يحظى بمسكن مريح واسع مثله وقد عانى من بيت أسرته القديم المتواضع المزدحم بأشقائه الكثر بكل ما جعله يعيش أوقات صعبة لا يحظى بأقل قدر من الخصوصية..عكس نشأتها هي في بيت واسع أنيق مع شقيقها الوحيد و والديها قبل أن ترحل والدتها منذ أعوام قليلة لم تدخر في طفولتها ذكرايات لأي معاناة وحتى حين كبرت كانت حياتها يسيرة تستمتع بها دون حرمان من شيء..وحين تعرفت بريان وتشابكت قلوبهما سرد لها قصته وأحلامه من وقتها وهي تدعمه وتمنحه كل ثقتها ليحقق كل ما يتمناه وها هو لم يدخر جهدا ليفي بوعده ولايزال يسعى ويجتهد ليصل لأكثر مما وصل إليه.
_ ربنا ما يحرمك من بيتك ولا يحرمنا منك يا ريان أنا بالنسبالي وجودك أنت هو جنتني الحقيقية..مش مهم اكون فين المهم تبقى معايا. 
التقط كفها ولثمه ثم أخذها لتجلس فوق ركبتيه هامسا عارفة أكتر مكان وحشني ايه
نظرت له بمكر ليكمل وهو يتحسس وجهها. 
أوضة نومنا. 
ضحكت بدلال. 
_ على أساس أن مش لينا هنا أوضة لوحدينا واخدين فيها راحتنا يا وحش
_وحش ايه بقا هو أنا عارف اتنفس يا بنتي أبوكي طول الليل يدخل الحمام اللي للحظ قريب من أوضتنا.. ده غير بنتك كارما اللي بتسيبه في عز الليل وتيجي تنام وسطنا وتكدرني.. لكن في بيتنا كانت اتعودت تنام في سريرها لوحدها.
همست بإغواء وهي تتلمس ذقنه برقة. 
_ خلاص هانت وراجعين بيتنا وكل حاجة هترحع زي ما كانت يا روي يا حبيبي.
زوى حاجبيه بتفكر كأنه يحاول تذكر أمرا ما قبل أن يضيق عيناه ويقول بتحفز. 
_ هو روي ده مش كان أسم الكلب بتاع الفنان صالح سليم في فيلم الشموع السوداء. 
انفرج فمها ببلاهة كأنها لم تدرك الأمر إلا الأن لتهز رأسها بحذر معتذرة بخفوت ناعم مثل القطة أنا أسفة يا حبيبي ..ثم أسرعت بجذب الغطاء فوقها لتحتمي به وهي تكتم ضحكة خبيثة فأطفأ ذر الضوء وهو يندس معها أسفل الغطاء جوارها هامسا بوعيد لا يناسب همسه الماكر الملغم بالرغبة. 
_ ده أنتي ليلتك مش فايتة معايا يا قطة. 
_________
رواية بصائر تغشاها الثرى بقلم ډفنا عمر
دلفا لمنزلهما مع صغيرتها كارما ذو الثلاث أعوام التي ركضت للداخل كأنها اشتاقت هي الأخرى لمنزلها تنظر للجدران التي تغير لونها خاصتا جدران غرفتها المرصعة بالنجوم الصغيرة التي تحبها مصفقة بمرح تبدي إعجابها لأبيها ثم ركضت لغرفتها تفتح صندوق ألعابها وتبعثرها كأنها تخبر الدمى خاصتها بعودتها إليهم.
_ تسلم يا حبيببي.. الشقة رجعت أحسن من الأول. 
فرد ريان ذراعيه حوله يعلن شوقه قائلا. 
_واحنا كمان أخيرا رجعنا بيتنا تاني .
_ ياااه للدرجة دي كنت حاسس بالغربة عند بابا
_ لأ بس مكنتش واخد راحتي مثلا مش عارف أغني.. أبوكي لو سمع صوتي هناك كان خلاكي تطلقي مني. 
اطلقت ضحكتها وهي تخبره. 
_ نفسي اعرف مين أقنعك ان صوتك حلو يا ريان!
_ أنا أقنعتني ومؤمن بموهبتي..طب اسمعي الحتة دي كده واتسلطني. 
وانطلق يشدو أغنية لمطرب ما بصوت عالي لتحاول منعه وكتم فمه لكنها تفشل لقصر قامتها أن تصل إليه مستمرا هو بغناءه الصاخب لتنضم ابنتها إليه تدور حوله ترقص وتصفق بمرح ليلتقطها ريان ويغمز بطنها وخصرها بأصابعه فتضحك بقوة وتتمرغ في صدره من فرط ضحكاتها الرناتة لتبتسم ضحى لمزاحهما بسعادة تاركة إياهما لتغتسل ثم تصنع لهما حلوى يحبونها احتفالا بعودتهم لشقتهم من جديد.. تدعوا داخلها ألا تحرم قط من سماع ضحكاتهما حولها.. حتى غناء زوجها لا تريده أن ينقطع ابدا فليغرد طائرها ويسعد حتى لو كان صوته رديء.
بصائر تغشاها الثرى بقلم ډفنا عمر
الفصل الثاني
بطريقة غير متحضرة راح يلوك الطعام أمامها وبعض فتاته يتطاير من فمه وهو يتحدث لزوجته. 
_ غسالة ايه اللي عايزة تصليح وانا اجيبلك منين
غنى بهدوء قدر استطاعتها. 
_ يا هاشم انا بقالي شهر بغسل على ايدي وتعبت. 
غمغم باستهتار. 
_ بلاش كتر كلام أديكي بتغسلي على ايدك وراكي ايه يعني
_ ورايا ايه كفاية عليا مذاكرة العيال وهم البيت.
تمتم ساخرا.
_ يعني بتجيبي الديب من ديله وبعدين انتي مش روحتي الاسبوع اللي فات لأهلك معقول محدش غمزك بقرشين ولا البخل لسه فيهم.
انزعجت غنى من حديثه لتلومه بضيق 
عيب يا هاشم تتكلم كده على أهلي..وبعدين انت عارف بابا تعبان وبياخد علاج كتير دلوقت.. فلوس ايه اللي كانوا هيفكروا فيها
تهكم بقوله. 
_هو ده مش حقك يا مدام ده اختك غزل لما ولدت دخلوا عليها بشيء وشويات يعني من حقك انتي كمان. 
قاطعته. 
_ لا مش حقي.. انا لما ولدت عيالي مقصروش معايا وغزل دي أول خلفة ليها طبيعي يعملوا الواجب.
ثم تهكمت هي الأخرى والمفروص اني متجوزة راجل بيقوم بطلباتي ولا ايه يا سيد الرجالة 
رمقها بتحذير هتقلي أدبك شكلك عايزة تتروقي على الصبح.
زفرت بإنهاك بقولك ايه هاشم كمل فطارك وانزل شوف حالك وسيبني في حالي الله يهديك.. مش كل يوم خناق والناس تسمع حسنا حرام عليك. 
نهض ويداه لا تزال متسخة ببقايا طعامه وجذب مؤخرة رأسها پعنف يغمغم بټهديد يبقى تلمي لسانك يا حلوة لو عايزة يومك يعدي من غير فضايح. 
ثم ابتعد عنها قبل أن يستدير يخبرها بنا فاجأها انه يعلمه لو امي اديتك فلوس الشهر الجاي تديهالي فاهمة
نظرت له بدهشة ولا تدري كيف علم بأمر نقود والدته ومع هذا اعترضت بقوة دون إنكار أديهالك ليه يا هاشم هو انا بصرفها على نفسي ما هو كله للعيال.
_ عيال ايه بلا هم هما بيشبعوا