نوفيلا حارة رمضان بقلم ډفنا عمر الجزء الثاني

بقولك ايه في موضوع كده كنت عايزة اكلمك فيه واعرف رأيك. 
_ خير يا ام فوزي
_ بصراحة اللي حصل ده خلاني افكر.. انتي لسه في عز شباب وولادك لسه قطط مغمضة ومحتاجين أب يراعيهم ويطمنهم و .
_ متكمليش يا ام فوزي..مستحيل راجل يلنس طرف توبي بعد ابو سيف الله يرحمه. 
_ حتي لو في راجل شاري ومستعد يراعي ربنا فيكي انتي وعيالك
نظرت لها باستنكار أنتي جايبالي عريس هي وصلت لكده!
_ والله ما جبت حاجة ده هو اللي من نفسه كلم جوزي عليكي.. وفهمت انه شاريكي اوي وزعل لما عرف اللي حصل معاكي.. وقال انه مستعد يكون راجلك وضلك عشان محدش يتغر انك لوحدك. 
_ مين ده 
_ أخو جوزي الحج عبد اللطيف..انتي عارفة انه أرمل وابنه دخل الجامعة السنادي وبنته في اعدادي..وهو نفسه مش كبير اوي ده 47 سنة.. لو وافقتي هياخدلك شقة انتي وعيالك و
بإشارة صارمة أوقفت بقية الكلمات بحلقها 
_أسمعي يا ام فوزي أول وأخر مرة تكلميني في حاجة زي دي ساعتها متلومنيش لو اقتصرت عنك وفضلت في حالي.
لم تترك لها مجالا لأي جدال وإن تمنت أن تلين لفكرتها وتتزوج..يعلم الله كم تخاف على شابة صغيرة تعافر مع الحياة وحدها..
لكن له الأمر من قبل ومن بعد. 
________
يا عرقسوس شفى وخمير.. يا تمر هندي وياسوبيا
نداء صاحبه نغمة الصاحات التي يتلاعب بها بائع العرقسوس باحترافية وصوت صاجاته يحمل لنا مئات الذكرايات.. ومشروباته الرمضانية لا تفارق موائدنا المصرية.
_ أحمد انزل هات كيسين عرقسوس واتنين تمر من عمك عبد الله.. بسرعة قبل ما يمشي انا سامعاه تحت بينادي. 
_ طب هخلص الجيم ده أحسن هتغلب. 
_ قوم يا زفت قبل ما الراجل يمشي.. الفطار خلاص قرب. 
_ أفف بقى.. هو مافيش غيري.
لكزته صباح برأسه امال عايز مين ينزل يامفعوص أنا ولا أمك
همهم الصغير بسخط وتركه لعبته علي جهاز الكومبيوتر وهبط سريعا ليجلب لوالدته ما طلبت.
_ ايه صواني البسبوسة دي كلها يا ماما انتي هتفتحي محل
_ قولي ما شاء الله أصل عاملة حساب الجيران ومنهم صينية كاملة لام سيف.. وصينية لصاحب ابوكي هيوديهاله بعد الفطار هدية. 
ثم قالت بفخر ماهو لو مرات الكنفاني أحسن واحدة تعمل كنافة أمك الكل بيحلف بالبسبوسة بتاعتها.
قبلت كفها طبعا يا أمي ده انتي لو عملتي شوية مية عليها ملح تعجبني. 
ابتسمت بحنان لإطراء ابنتها عقبال ما تعملي في بيتك يا نور عيني..وافرح بيكي زي اخوكي. 
_ كله بأوانه.. هو سالم صحيح خلاص هيقرا فاتحة مي علي العيد 
_ أيوة أبوها رد علي ابوكي ان بنته وافقت واتفقوا الفاتحة مع دبلتين في العيد والشبكة علي العيد الكبير.. والليلة الكبيرة بعد سنة.
_ ربنا يتمم بخير ويسعد اخويا.. بصراحة مي تستاهله وهو يستاهلها.
العرقسوس والتمر اهو..محدش يطلب مني حاجة تاني أحسن وربنا افطر
تهكمت والدته وهي تراه يهتف بضجر وهو يهرول ليستأنف لعبته أمال يا واد لو بتشتغل علينا كنت عملت فينا ايه وبعدين ايه تفطر دي طب والله لاقول لابوك اما يجي خليه يربيك.
_ سيبك. منه يا ماما ده واد مچنون..هروح احضر البلح باللبن . 
_ لا سيبيه انا هعمله انشري انتي حتيتين الغسيل المركونين في الغسالة. 
_ حاضر. 
_________
_ ساعتين زمن واجي ياحاج عشان هستلم بضاعة جديدة وهنقلها للمخزن.. 
_ ماشي يا هارون بالسلامة يا ابني انا قاعد في المحل علي ماتيجي..وطارق معايا.
وصل لوجهته وهو يتصبب عرقا الطقس اليوم حار للغاية والعطش يقتات عليه كاسة ماء مثلج بالنسبة له تلك اللحظة تساوي الكثير. هانت يا هارون نص النهار عدى هكذا صبر نفسه همسا وهو يشق طريقه نحو أحدى المحلات.. وبدون أن يأخذ حذره أو يتصرف صډمته سيارة طهرت بغتة جعلت جسده يطير قليلا في الهواء قبل أن يستقر هارون علي الأسفلت راقدا وغاب وعيه بلحظات.
_______
نوفيلا_حارة_رمضان
الفصل الخامس! 
المشفى تعج بأهل الحارة اللذين ما أن علموا بما أصاب هارون حتي تكدسوا في حوله ليطمئنوا عليه ويؤازرا العم شوكت وطفله الذي ينهار بكاءا على أبيه.
أمنية. وهي الصغير بحنان 
_ متخافش يا طارق.. ابوك زي الفل ياحبيبي 
قال من بين شقهات بكاءه لا بابا تعبان اوي.. رجله اتكسرت .. ونايم مش عايز يصحى يكلمني.. بابا هيسبني زي ماما..
انفطر قلبها من حديثه كما أشفق من حوله