رواية حصنك الغائب بقلم ډفنا عمر الجزء العاشر

ياظافر وترجع واخد المركز الأول وترفع أسم بلدنا هناك!
ألم قلبه رؤية حزنها ورأسها المطرق وسحابة عبراتها التي تتراقص مع الضوء الخاڤت..فهمس برقة طيب هتدعيلى وانا هناك
أكيد هدعيلك في كل وقت! 
ثم برق بذهنها فكرة فهتفت بحماس طب ايه رأيك اجى معاك لبنان
زوى بين حاحبيه وقال تيجى معايا ازاي
_عادي في نفس الفندق بتاعك هاخد غرفة ونتقابل لما تكون خلصت شغلك ونخرج ونتفسح براحتنا ونقضي و......
قاطعها بحدة ده على اساس باباكى هيوافق بالبساطة دي هو في بنا أي صفة شرعية تخليكي تكوني معايا في سفر زي ده وبعدين انا مش رايح اتفسح ولا هبقى فاضى لخروج.. وانتى معايا ولا هركز او انجز أي حاجة.!
تجرعت صډمتها من حدته القاسېة وسخطه الواضح علي اقتراحها وهمست بهدوء بقدر ما استطاعت عندك حق كلامي فعلا مش منطقي خلاص انسى ياظافر كانت مجرد فكرة جت في بالى وقولتها بدون تفكير..!
وخذه ضميره لجفائه وحدته عليها بهذا الشكل فهم بقول شيء ما يصلح ما أفسده ليراضيها..فقاطعه حضور زمزم مناديا 
بلقيس احنا خلاص ماشيين هترجعى معانا ولا...
وكأنها أتت لها طوق نجاة فتشبثت بها ونهضت هاتفة قبل أن يتحدث ظافر الذي بدا أنه سيحاول إبقائها معه وهذا ما لا تريده الآن.. يجب أن ترحل لتهدأ..!
_ راجعة معاكم يازمزم اصلا كنت جايالكم!
والتفتت له هامسة تصبح على خير ياظافر بكرة هتصل ان شاء الله!
وذهبت دون انتظار لحظة أخرى متجاهلة نداء عيناه الصامت ان تظل ليسترضيها..لكنها لا تريد سوى الخلوة وغير مؤهلة لحديث أخر..!
فزفر ولطم قبضته فوق الجدار بقوة ولهيب انفاسه تأنيب ضميره ونغزة قلبه تزداد آلما لرحيلها غاضبة منه..لم يقصد حدته ولا يعرف لما حدثها بتلك الطريقة..أحيانا لا يفهم هو نفسه..ليتها ظلت ليخبرها انه سيشتاقها أكثر مما تتخيل وانه عصبيته ما انبثقت إلا من ضيقه لفراقها وأنه كان سيطير فرحا لصحبتها لكن لن يليق أن تذهب معه.. كما أنه أراد لها الأهم من مصاحبته..لكن ماتتاح الفرصة ليوضح شيئا..!
ذهب لتوديعهم ربما يراها مرة أخير قبل ان تغادر ويحدثها.. فلم يجدها بينهم وگأنها توارت عنه عمدا..!
ولن يلومها.. وعليه أصلاح ما أفسد..! 
______________________
غادر الجميع ولم يبقى سوى عائلة ناجي ماكثين في انتظار عودة عطر من المرحاض! 
......... 
_رايح فين يا ياسين
_ يزيد افتكرتك مشيت.. عموما أنا داخل اشوف عطر اتأخرت ليه عايزين نمشي! 
_ طب ارجع أنت وأنا هشوفها أنا أصلا رجعت عشان أوصي عامر علي حاجة! 
_ خلاص تومام يا كبير..!
 دلف ومشط بعينه جميع الزوايا بحثا عنها فلم يجدها.. فتوجه تجاه المرحاض ربما وجدها هناك.. وما أن اقترب حتى لمحها تقف ناكسة الرأس ويبدو على ملامحها الٱلم.. فدنى سريعا مناديا عطر..!
رفعت رٱسها إليه تهتف باستنجاد يزيد! 
جزع وهو يري دموعها فتسائل بقلق شديد مالك ياعطر حصل ايه
_ دخلت الحمام اظبط حجابي وخرجت بسرعة عشان ألحقكم طرفه شبك في مقبض الباب من غير ما اخد بالي فوقعت وتليفوني اتكسر شايف!
أنهت شكوتها بصوت باكي وهي تنظر لهاتفها الذي تهشمت شاشته ولم يعد يصلح للعمل.. فابتسم بحنان والتقطه منها هامسا برفق طب اهدي وماتزعليش كده فداكي مېت تليفون المهم انك بخير! 
_ ماهو مش ده بس اللي حصل..!
وواصلت وهي تشير لحذائها كعب جزمتي اليمين اتكسر هو كمان ورجلي اتلويت وۏجعاني وأنا افتكرتكم هتمشوا وتسيبوني من غير ما تاخدوا بالكم اني مش موجودة.. وخۏفت لما لقيت المكان بقى فاضي حواليا ومافيش حد استنجد بيه..!
سرد مشاعر خۏفها وبكائها هز قلبه.. فهمس ليطمئنها مټخافيش أنا كنت هلاحظ غيابك وكنت هدور عليكي! وواصل يلا تعالي اسندي عليا لحد ما نطلع برة وبطلي عياط مش مستاهلة! 
همهمت باعتراض أنا قلت ماليش في الجزم اللي بكعب.. بس جوري فضلت تزن عليا عشان البسها وادي النتيجة! 
ضحك ضحكة قصيرة لعبوسها الطفولي وقال متهكما انتي ولا الجزم نافعة ولا الكوتشات بتستر معاكي.. في الحالتين بتقعي وتعملي كوارث! 
هتف بحنق بتتريق عليا وانا في الموقف ده
قاوم ابتسامته حتى لا يزيد حنقها لا طبعا وأنا اقدر اتريق.. يلا بقى حطي إيدك على دراعي خلينا نخرج عشان هيقلقوا عليكي! 
نظرت لساعده المبسوط أمامها وشعرت بالحرج فهمست لأ نادي اخويا ياسين يجي يسندني!
رغم إدراكه لخجلها أصر مش مستاهلة أنادي حد.. أمسكي فيا وكلها خطوتين وهنطلع برة.. !
ظلت على ترددها.. فاستطرد بإلحاح يلا ياعطر كنا زمانا طلعنا برة.. يلا..!
مدت كفها بتردد وهو يراقب ترددها بصمت حتى تشبثت به.. فابتسم وخطى على خطاها الحذر ثم تسائل هي رجلك وجعاكي أوي
_ لما بدوس عليها بحس پألم..بس تيتة عندها مرهم حلو إن شاء الله يريحني
تمتم برقة ألف سلامة عليكي.. لو بكرة مافيش تحسن هحجزلك عن دكتور كويس و... ..
قاطعته لا مافيش داعي.. ده مجرد جزع وهيخف بالمرهم إن شاء الله! 
ابتسم وشاكسها طول عمرك پتكرهي زيارة الدكاترة! 
واستطرد عموما هنشوف بكرة.. لو محتاجة طبيب ساعتها هنتصرف!
أومأت له وهي تسير بحرص محاولة إخفاء ألمها حتى وصلا معا للخارج