رواية حصنك الغائب بقلم ډفنا عمر الجزء الثاني عشر

ايضا تحبه بل تعشقه.. عشق لا بحدقتيه وهو يطالعها بوله وعاد يهمس لها لو طلبتك من عمي هتوافقي
نكست رأسها بخجل وقلبها ينتفض بفرحة تخاف أن توقفه فعاد لهمسه هتوافقي يا زمزم
ابنتسمت ومازلت مطرقة الرأس دون حديث فواصل سيل اعترافاته ليلفظ أهم وأكثر كلمة تحتاج سماعها منه 
_ بحبك يا زمزم!
ستنهار.. قدميها ستخذلها وتسقط كما تتساقط دموع فرحتها الآن أمامه.. وكم تمنى هو أن يرتشف تلك الدموع ويخبئ جسدها الرقيق حتى أشرف طوله عليها فانكمشت تأثرا بقربه وهو يقول ماما مش قاسېة يا زمزم.. حبها ليا ولسعادتي هيغلب كل معتقداتها.. في النهاية مش هتلاقي سبيل غير انها تبارك أرتباطنا.. انتي ماتشيليش هم حاجة.. أي مشكلة هحلها ومش هيحصل غير اللي يخليكي مرتاحة! 
اتفقنا!
طافت حدقتيها على وجهه مآخوذة بهيمنة 
_____________
لكل عائلة راعي.. وراعيها عصا الميزان! 
إذا مالت إحدى كفتيه..وزنها بالعقل والحكمة
ويعود للميزان عدله..وللمظلوم حقه!
............... .
علق ملابسه على المشجب واستقر فوق فراشه بهدوء دون اكتراث بتلك التي تطالعه بدهشه بعد ما ألقى عليها الخبر فقط لتعلم وليس لمشورتها فراح عقلها ېكذب ما سمعته! هل قال لتوه ان عابد خطب زمزم وتمت قراءة الفاتحة وتم تحديد احتفال الخطبة
_ انت بتقول ايه ادهم!
خطبت لابنك من غير حتى ما تاخذ رايي هو انا مش امه ولا ايه عايز تعيد نفس الماسآه تاني بردوا هياخذ بنت عمه وأنا ابني مدخلش دنيا ومن حقه ياخذ بنت و... !
صاح مقاطعا بتحذير كريمه! اوعي تكملي او تقولي كلمه زياده في حق بنت اخويا.. ظروفها متعبهاش.. ويشرفني اخذها لابنى! 
مواصل بلوم مبطن كفايه الخطط اللي عملتيها من ورايا
زاغ محجريها بتوتر وهتفت متلعثمة خطط ايه يا ادهم
دنا منها وحدجها بنظره ثاقبه بسمه!
صمت مكتفيا بتلميحه فقالت مدافعة ابني وعايزاله الافضل.. ابقي غلطت!
_ لما تدبري كل ده من ورايا تبقى غلطتي.. لما تنصبي نفسك مسؤلة عن اختيار ابنك تبقي غلطتي.. لما تظلمي بنت مالهاش ذنب في ظروفها تبقي غلطتي.. مع إن كان المفروض تحسي بيها.. انتي أم.. وعندك زيها.. عيبها ايه زمزم بنت عمه وعارفها وحبها وهو أولى بيها وبتربية ابنها.. مادام راضي وعايزها ليه تدخلي وتضغطي عليه!
يعني عابد اشتكى لك منى
رمقها بنظرة أخرى ثم جذبها لتجلس جواره وقال معاتبا عمرك ما كنتي قاسېة! 
غامت مقلتيها بسحابة دموع أنا مابكرهش زمزم بس بحب ابني يا أدهم..!
_ وابنك اختار ياكريمة.. وقلبه اتعلق ببنت عمه.. تحرميه ليه وتتعسيه..أنسي تجربه يزيد محدش قدره يشبه التاني.. صوابع الإيد الواحدة مش زي بعضها.. سيبه يخوض تجربته بنفسه.. عابد بيحبك.. طلب مني ادخل عشان مش عايز يخسر رضاكي..مش يمكن الخير في اللي انتي رفضاها.. صفي قلبك اللي عمره ما زعل حد ولا ظلمه.. خليكي كريمة الطيبة عشرة عمري بنت الأصول!
خفضت رأسها وهمست بجمود اللي تشوفوا اعملوا يا أدهم! 
رفع وجهها بأنامله مغمغما بتساؤل راجي راضية!
حاوطت كفه برفق وهمست سيبك من رضايا.. وخليني اخد وقتي.. وأنهت ذاك الحوار المجهد باستلقائها جواره مسدلة جفنيها مختبئة بغفوتها الزائفة فترك لها مساحة الانسحاب والتفكير معلقا أمله على رقة قلبها.. وهو خير عالم به! 
ترجاه من خالقه صار واقعا..أخيرا سيطمئن على قارورته وصغيرها اللذان حظيا برجلا مثل عابد..ولو نفذ أجله الآن لن يحمل للدنيا هما..!
انا كمان ابارك لاختي يا بابا.. بقالك ساعة حاضنها وعمالين تعيطوا.. امال هتفرحوا امتي ياجماعة مش فاهم أنا!
قبل محمد جبينها وقال بعاطفته صادقة مبروك يا نني عين ابوكي.. دلوقت بس انا اطمنت عليكي.. عمري ما كنت هتمنالك احسن من ابن اخويا..! 
هتفت من بين بكائها أنا بخير طول ما حسك في الدنيا يا بابا.. ربنا يخليك ليا أنت وماما..!
_ طب وأنا لقيط أخوكي أنا ولا علبة جبنة نستو
ضحكت كما ضحك أبويها وهتفت عبير ربنا يخليكم لبعض يا حودة.. انت حاجة تانية يا روح أمك! عقبال ما افرح بيك انت كمان واشوف ولادك! 
عدل ياقة قميصه بغرور مازح قريب يا بيرو.. ابنك مدكن حاجة محترمة.!
نكزه أبيه اتكلم عدل يا ولد! 
_ حاضر يا بابا!..ثم دنى محتضنا شقيقته هامسا بجديه حانية مبروك يا زوما.. انتي تستاهلي عابد وهو لو لف الكوكب كله مش هيلاقي زيك يا قطتي! 
ضمته رابتة على ظهره حبيبي يا حودة
هتف بمرح يناسب الحدث عشان تكونوا عارفين.. أنا وياسين ويزيد هنظبط الحفلة بتاعتكم.. ماهو مش سي عابد بس اللي بيعرف يظبط!..وأنا بالذات گ محمود هبهركم
مود
الټفت للصغير الذي لفظ أسمه أخيرا فتلقفه ورفع جسده في الهواء مهللا أخير يا قلب محمود قلت أسمي.. دي حاجة تستحق الاحتفال لوحدها.. وراح ينثر عليه قبلاته والصغير يضحك والجميع يتابعهما بوجوه تقطر فرحا بعد أن ساد الفرح والراحة صدورهم! 
_ يلا يا زوما هنتأخر وعابد وجوري بقالهم كتير مستنين بره!
وضعت أخر لمسات هيئتها الهادئة وصاحت خلاص يا ماما أنا جاهزة! 
رمقتها بنظرة تنضح سعادة بعد أن حظت بتلك اللحظة التي ظنتها لن تأتي بعد الأحداث